Nach unserem absolut genialen, einmaligen und unvergesslichen Hochzeitsfest (noch einmal herzlichen Dank an Alle), durften wir am 25.9. unsere Flitterwochen beginnen.
Unser „Tätschmeister“ hat ganze Arbeit geleistet: Zu unserer grossen Überraschung wurden wir von einer Limousine abgeholt und ein grosses Abschiedskomitee winkte uns in die Ferien. Grabs, das war Spitze!
Nach einem sehr langen Flug und einer sehr kurzen Nacht in Dubai, landeten wir am 27.9. um 7.00 Uhr in Sydney. Da unser Hotelzimmer so früh noch nicht bereitgestellt war, machten wir uns direkt auf den Weg. Mit der Fähre fuhren wir bei bestem Wetter zum Sydney Aquarium und bestaunten die Unterwasserwelten soweit wir die Augen noch offen halten konnten. Am Nachmittag machten wir dann aber Pause um unseren Jet-Leg zu überwinden. Bei einem feinen italienischen Znacht in „The Rocks“ beendeten wir unseren ersten Honeymoon-Tag.
Am Donnerstag, 27.9. genossen wir als erstes ein ausgiebiges Frühstück auf dem Zimmer. Am Nachmittag genossen wir Manly, die Strandstimmung, das wilde Papageien-Gezwitscher und einen Apero in einer Bar.
Sydney fasziniert uns auch dieses Mal wieder. Diese Stadt hat einfach Charme!
6 Responses
isi
Hallo zäme
isch ja cool. Ich stah uf und gang in CHindsgi und da chan ich am Morge früeh üchi Wunderschöne Föteli bestund.(7.00) Merci für üches MMS mir händ riesig freud gha öppis vo üch z’ghöre. Gueti Ziit und bis es anders mal.
isi
Bernadette
Hallo ier 2 of de andere Siite vo de Wält! Euches wonderschöne, zauberhafte Hochzitsfäscht isch verbii, herrlichi, liebevolli Erinnerige blibid. Mier wönschid euch, dass euchi Feriewoche ganu so wonderschön , zauberhaft ond liebevoll wiitergänd.
P.S. Wahrschinlich isch das erschtmol gsii, dass öpper mit Wanderschueh ia de Füess inere Stretchlimousine gfahre isch. Hoffentlich händ iers dopplet gnosse!
Ganz liebi Grüess ! Bernadette usw.
Andrea
Hallo iär zwe Reisevegu!
Etz hock ich grad bim Huk im Büro und wartä bis är fertig gschaffed hed und de hani doch tätsch einisch ycheri super Sietä miässä gu gschaiwä. Das isch ja widr einisch meh spitze gmacht…!!! Freiwä mich scho, Fotäli ds gseh und vo ychernä Erläbnis ds läsä.
Dankä nu einisch viu Mal fir der tolli Tag, wo miär mit ych hend derfä verbringä. Miär hend diä "Ehr" sehr gschätzt. Und wiä mäs da ja ai scho hed chennä läsä im Geschtebuäch, d’Trauig idr Chilä isch cheibä scheen gsi, iär hend alles so persenlich gschtaltet, dass mä richtig drbii gsi isch und mitgfiäberet hed. Wundrbar gsi!
Also, hebed ä guäti Zyt. Ich ha etz mittlerwilä ai Feriä, aber witr als ids Engadin wirds nid längä, aber das isch ja ai scheen…
Big Hug
Andrea (und natirlich dr Hansueli üsem Hintergrund)
Chregu Holzer
hey ciao zäme!!
ier hends sicherlich scho wonderprächtig – wenn au no chli es schlafmanggo (gits das öberhaupt;-) ? ) . eis chan ich euch säge!!!!!! ha jo scho e paar hochzite erläbe dörfe, aber das euri esch mer doch zemlich id g’fühlswält iidrunge. es unvergässlichs erläbnis han ich mit euch dörfe miterläbe – es esch en riise ehr för mich, das ich euch han dörfe begleite an altar!! 🙂 härzliche dank. öbrigens lauft uf em i-pod im büro grad forest gump 😉
ich wönsche euch en absolut geili sonnigi erläbnisrichi stresslosi erholsami reis!!!
ond öbrigens – de häsli gots immer no guet (ha zwor gmeint es heig letscht nacht eis grüeft wo ier sigid;-) nei schertz – vellecht han au ich träumt chan sii:-)
häbets guet ond bis bald….. hoffentlich gset mer bald es paar bilder vo euch.
e gruess christian
Andrea Zurbuchen
Hallo zämä
Wie geits öich? IMir wünsche Öich ganz ä tolli Zyt uf Öire Reis,I hoffe das Dir viu wärdit ärläbe u mit vine Idrück zrügg chömit!!! Merci no viu mau das i a Öire schöne trouig ha dörfe dürbi si !! Liebi Grüess Andrea
isi keiser
Hallo zäme
Mit em hütige abreise i üchi Flitterwuche isch üsi arbet als Tätschmeischter ändgültig gloffe. ich hoffe ihr händ en agnähmi Reis ide Limousine dörfe gnüsse.
ich han grad fertig gschaffed und verusse rägnets während dem ihr ändlich händ chöne abflüge. ich wünsche üch unvergässlichi und schöni Stunde wo ihr zäme nachere Stressige Ziit dörfed gnüsse. macheds guet.
liebi Grüessli isi